Jææææææææja börnin mín góð.
Á ég að láta vita eitthvað aðeins af mér?
Ég er úti í Danmörku. Döööööö
Takk og bless.
Nei nei. Bara grín. Smá glens.
En samt ekkert grín. Bý hérna í Lyngby hjá Maríu og Hinrik. Elskulegt af þeim að leyfa fífli eins og mér að vera.
Við höfum nú brallað ýmislegt síðan ég kom.
Var smá rigningarveður hérna um daginn. Kom einn blossi og ég var gríðarlega spennt yfir að það væri að koma þrumuveður.
Lásum það í fréttunum seinna að þetta var loftsteinn sem lenti hérna í Evrópu.
Ömó. Ég vildi þrumur og eldingar!!!!
Fórum í IKEA einn góðan laugardagsmorgun (kl. 10 ef ég á að vera nákvæm)
en tilgangurinn með þeirri ferð var að næla sér í ókeypis sæng og kodda. En það var víst ekki eins auðvelt og það hljómar, því ef maður mætti í náttfötunum í IKEA, fékk maður ókeypis sæng og kodda.
Að sjálfsögðu drifum við okkur á náttbuxunum- og bolunum, í úlpunum okkar yfir því, jahh...það var skítkalt!
En nei nei...við máttum gjöra svo vel að fara ÚR úlpunum þegar við mættum í IKEA og labba í gegnum heila pleisið, til að sanna að við værum í náttfötum allan hringinn.
Það var spes.
En fengum fría sæng og kodda.
Við María kíktum svo í afmælispartý hjá bróður hennar sem á lítinn bar í Köben og var partýið haldið þar. Og viti menn...hálfur Egilsstaðarbær að sjálfsögðu þar á bæ! Maður sleppur ekki undan þessum kvikindum, hvar sem maður er!
En þar var sem sagt drukkinn upp lagerinn af öllum jólaTuborgnum sem var til á lager. Úff.
Við María vorum duglegar með myndavélina að taka myndir af liðinu (s.s. öllum Egilsstaðarbúunum......) en það vildi ekki svo betur til að í eitt skiptið þegar ég ætlaði að smella af einni mynd, þá var myndavélin bara horfin!
Hún hefur ekki fundist aftur.
Blessuð sé minning hennar.
BTW þar var einmitt mynd af okkur Maríu á náttfötunum með sængurnar og koddana, verulega sáttar!
Ég hef verið að leita af vinnu hérna og komist að því að maður þarf sem sagt að vera skráður á eitthvað heimilsfang bara til að geta SÓTT UM vinnu hérna.
Þannig að ég dreif mig í að finna þá herbergi sem fyrst.
Fyrsta herbergið sem ég skoðaði...
*hrollur*
Það var sem sagt herbergi sem var í íbúð sem leigðist út með öðrum.
8fm herbergi. Engin stofa. Eitt klósett á sömu hæð og herbergið. Og þá meina ég BARA klósett. Eldhúsið lítið en kósí.
Maður átti svo að labba niður í kjallara (niður tröppur Satans...) en þar var þvottahús og útgangur út í hringgarðinn en þessi íbúð var í blokk sem kom í hring og þessi garður var inn í þeim hring.
En ekki nóg með það, því maður þurfti að ganga út í þennan hringgarð og labba inn í annan kjallara lengra í burtu til að geta farið í sturtu... WTF!
Kannski er maður bara svona góðu vanur en....mér fannst þetta ekkkkki töff!
Svo skoðaði ég annað herbergi sem var í íbúð fullorðinnar konu. Þegar ég kom að skoða það, bauð konan mér í te og við spjölluðum í klukkutíma eða svo og svoleiðis smullum saman!
Herbergið var þokkalega mikið 28fm á stærð með aðgang að öllu!
Nokkrum sinnum í viku kom svo heimilishjálp til að þrífa, svo að konan sagði mér að láta allt svoleiðis vera. Stofa með sjónvarpi, þráðlaust internet, baðherbergi með sturtu OG baðkari á lítinn pening.
Ég átti að fá að vita síðasta föstudag hvort ég fengi herbergið.
Kerlingadruslan hringdi aldrei aftur.
Aftur á byrjunarreit.
En íbúðin þeirra skötuhjúa er alveg frábær. Gott að vera hérna og þægilegt umhverfi.
Og til að toppa allt, þá eru einhverjar viðgerðir búnar að vera í gangi í blokkinni þannig að síðustu viku er búin að vera lokað fyrir vatnið frá kl. 8 - 15 á daginn...og þegar maður er heima allan daginn að drekka kaffi er erfitt að halda í sér.
Þannig að þetta fór eiginlega bara í keppni, líkt og ég, Herdís og Jara gerðum gjarnan sem krakkar. Ná sem gulasta litinum í klósettið...
En
lítið meira að segja eins og er!
Verð í spotta þegar málin fara að þróast meira!
Guð blessi!
Rinntinntinnus